Klak - Icelandic Startups í heimsókn í Fab Lab Reykjavík

Um daginn fengum við hjá Fab Lab Reykjavík heiðurinn að taka á móti starfsfólki hjá Klak - Icelandic Startups í heimsókn til að sýna þeim hvaða þjónustu og tæki við bjóðum upp á. Við ræddum einnig hvernig við getum sameinað krafta okkar í að styðja sem best við frumkvöðla.

Fengu þau að prófa hvað hægt er að gera í leysiskerunum okkar með því að lasermerkja glös og skera út lyklakippur í plexýgler.

Þetta var ótrúlega skemmtilegt - kærar þakkir fyrir komuna og við hlökkum til áframhaldandi samstarfs!

Fab Lab Reykjavík er stafræn smiðja með rausnarlega opnunartíma með starfsmanni á vakt til að styðja við þróun nýsköpunarhugmynda meðal almennings, innan menntastofnana og í atvinnulífinu.

Starfsfólk Klak - Icelandic Startups og Fab Lab Reykjavíkur eftir vel heppnaða heimsókn

Klak starfsmenn fá aðstoð frá Hafeyju tæknifulltrúa við að brennimerkja glös með eigin myndum í leysiskera

Með afraksturinn í höndunum